حتى البنات!!!!!!!!!!!!

السلام عليكم ورحمه الله
ازيكو يا مزيكازيه
عايز أعرف رأى كل واحد فيكم فى الموقف اللى ادامكم ده
ولو انت اب اوانتى ام هتصرف/ى ازااااى
والغلط على مين هل البنت ولا غياب الرقابه من الاهل ولا غياب الوعى من قبل المدرسه حتى البنات!!!!!!!!!!!! 1%20(34)

وتحياتى للجميع
احم احم
يارب يا ستر
أنا بقى هقولك على اللى بيحصل
بصى
فى مدارس البنات البنات بيقلبوها كوافير وقولنا ماشى

يهربوا وينطوا من على السور وقولنا وماله
يضربوا الاستاذ وقولنا معلش

يجيبوا بيض بايظ ويكسروه فى الفصل وقولنا عيال وبتلعب
يجيبوا مربى ويدهنوا بيها السبوره وقولنا عيال مشاغبه

بس اللى حصل ده فا ده اللى مش ممكن ابدا

هانقول ايه اللى حصل للى ميعرفش
شباب
لالا شويه عيال فى مدرسه مش عارف ايه فى المعادى
واحد مصورهم فيديو وهما بيلفوا البانجو وبيشربوا حشيش
فين تخيلوا
فى الفصل
وبعد ما البانجو ظبط الدماغ شغلوا اغنيه هابطه وهاتك يا رقص

وهزى يا نواعم يا نواعم هزى

انا مش هاعمل زى الابراشى واقول فين التحقيق الفورى
انا هاقول فين المدرس
فين وكيل الدور
فين الناظر والمنظوروفين المدير

فين البوليس فين الحكومه

فين وفين وفين وفين
واحنا زى ما بقول دايما كلنا فى غيبوبه

ايام ما كنت فى ثانوى فى القرن التاسع قبل الميلاد
سمعنا ان بنت فى مدرسه بنات بتبيع حقن مكس
فا واحده معايا فى درس الكيمياء بتقولى هوه يعنى ايه حقنه مكس
قولت لها ده اتحاد غاذ ثانى اكسيد الكربون مع حمض الكركريك

قولت لها عرفتى منين الكلمه دى
قالت مسكوا بنت بتبيع حقن مكس فى المدرسه

وقامت الدنيا وقعدت تانى

كنا زمان نقول فلان قليل الادب
ليه ياعم ؟
يقولك بينط من على السور

فلانه قليله الادب
ليه يا ابونا ؟؟
يقولك بعد ما تخلص مدرسه بتغير يونيفورم المدرسه فى الحمام وتلبس المحزق والملزق

طيب العيال اللى بتلف بانجو وحشيش دول نعمل فيهم ايه
وبيشربوه جوه الفصل
طبعا لا تعليق

ونشوف الصدمه الكبرى
وكيل الوزاره كتر خيره بيقول ايه ؟؟؟؟

نزل لجنه واللجنه عملت لجنه واتفقوا مع الشئون القانونيه انهم يعملوا لجنه فرعيه
واكتشفوا ان العمليه اونطه
ودى محاوله صهيونيه علشان نسوء سمعه السيد المدير

المهم الابراشى قاله معايا الادله والطلاب الشهود
والمدرس اللى شاهد الواقعه

قاله انا فى معهد اعداد القضاه ومش فاضى
ولما انت مش فاضى يا اخى قاعد على كرسى ليه فرحان بيه

نرجع للعيال بقه اللى طالبه معاهم تهييس وطبعا وصف الشباب دول انهم عالم روشه وعالم فرى

دول الشباب اللى مينفعش نقول عليهم شباب معقد لالا خالص
دول شباب زى الفل
بزمتكم شوفتوا اخر استهتارنا ايه

انا بكتب من حرقتى
انا نفسى اعرف هوه فيه ايه
حاسس ان الدنيا خلاص بح خلاص

من بعد بوس الواوا
ومن بعد الصراحه راحه وانت مبتعرفش

عاوزين نعمل ايه تانى
بعد ما شوفنا فيلم خد فطيرك
بعد ما شوفنا الكلام الجديد
بعد ما اتعلمنا يعنى ايه سيس وبيس و......فى كيس

وربنا انا بدات اتعقد
انا فقدت الثقه فى الاجيال
حان الان لنبكى على الاطلال ونقول كان زمان وزمان وزمان

لا بنت حد عارف يكلمها ولا يكسرها
ولا ولد لاقى له كبير يشكمه

فين اكسر للبنت ضلع يطلع لها اربعه وعشرين
واكسر للواد ضلع يبقى ام اربعه واربعين
بجد موضوعك جامد بجد اشكرك علية تسلم ايدك
اية دة انا طولت عليكى كدا
طيب خارج مش تزعقى
يارب كلامى يكون خفيف عليكم

للهعليكم تسلم رجليكم من النطة شوف ده وشوف ده وهية حلوة بجد والحرب مسا تمرة وانا لا انتم[/code][

انتا فعلا عندك حق
لان انا بشوف حاجات بردوا زى دى فى المدرسة
لما يقلبوها كوافير
ومحدش بيعملهم حاجه
ربنا يستر على التعليم
مشكور يا ماجيك